Nafarroako Gobernuko Lurralde Kohesiorako Departamentuak, Toki Administrazioaren eta Despopulazioaren Zuzendaritza Nagusiaren bitartez, erreserbako 12 obra berri sartzea erabaki du, gehienez 2,3 milioi euroko balioarekin, 2023-2025 plangintzan Tokiko Inbertsioen Planaren (PIL) Tokiko Programazioaren lerroan. Nafarroako Gobernuaren ekarpenari esker 3,2 milioi euroko inbertsioak egin ahal izanen dira hornidura, saneamendu eta euri-uretarako sareetan eta udal eta kontzejuetako sare eta zuzkiduretan. Eskualdean, Donamarian eta Zugarramurdin eginen dituzte lanak.
Zehazki, Donamarian, Uxarreko ur hornidura eta saneamendu sareak berrituko dituzte eta Nafarroako Gobernuaren ekarpena, gehienez ere 167.445 eurokoa izanen da.
Zugarramurdin, berriz, frontoian ura sartzen dela eta, hezetasun arazoengatik, teilatua zaharberrituko da. Nafarroako Gobernuak, gehienez ere, 75.139 euro paratuko ditu.