Nafarroako judo txapelketa jokatu da larunbat honetan Mendillorriko kiroldegian, zenbait kategoriatan. Errekako bi judokek parte hartu dute eta Legasako Gaxuxa Zelaieta Eulatek, 57 kiloz beheitiko junior kategorian, txapeldun izatea lortu du. Joanes Juanotena Iribarren doneztebarra, bere aldetik, 60 kiloz beheitiko kadete mailan lehiatu da, baina ez da podiumera igo.
Lehia estuaren eta urduritasunak gaindituz, garaipena lortu zuen Gaxuxa Zelaietak eta aunitz ikasi zuen gainera. Ikasketa hauek otsailaren 22an Iruñean jokatuko den Ipar Sektoreko txapelketarako baliagarria izanen du Legasako judokak. Hain zuzen, Espainiako txapelketarako sailkatzeko baliagarria izanen da txapelketa hau.
Joanes Juanotena lauko ligan aritu zen, baina ez zuen garaipenik lortu. Hori bai, esperientzia berriak gehitu ditu bere motxilara eta ikasketa prozesuan lan bikaina egin zuen.