Parte hartu ez ezik, horietatik bi podiumera igo ziren. Ainhoa Etxegarai bigarren izan zen emakumeen promesa mailan eta Beñat Albisu hirugarren gizonezkoen junior mailan. Oihan Pikabea zortzigarren izan zen junior mailan.
Albisuk eta Pikabeak 6,96 kilometroko ibilbidea osatu behar izan zuten. Albisuk 34 minutu eta 42 segundu behar izan zituen ibilbidea osatzeko, eta Pikabeak, aldiz, 37 minutu eta 44 segundu.
Etxegarairi dagokionez, 12,92 kilometroko ibilbidea osatu zuen ordubete, 23 minutu eta 17 segundoko denboran. TTIPI-TTAPAri kontatu dionez, esperientzia berezia izan da lasterketa. «Hagitz-hagitz proba gogorra izan zen. Gauez, izugarrizko hotzarekin, eta elurretan aitzinera egitea aunitz kostatzen da, baina esperientzia bezala hagitz berezia izan da».
