Nafarroako Kirol Jokoen barrenean, kadete, infantil eta alebin mailako nesken finalak jokatu zituzten larunbatean Iruñeko Labrit pilotalekuan. Kadete mailako finalean, Umore Onako Alize Sagardui goizuetarrak eta Araitz Legarreta aranoarrak 22-5 irabazi zieten Oberenako Crespori eta Gomezi.
Bertze bi finaletan, Arkupeko eta Adoseko eskualdeko pilotariak izan ziren aurrez aurre. Alebin mailan, Arkupeko Ainara Hita igantziarrak eta Eneritz Muñoa lesakarrak 18-15 irabazi zieten Ados Pilotako Lazkoz eta Alaitz Aioroa iturendarrari. Infantil mailan, berriz, Arkupeko Nahia Almandoz eta Joana Iratzoki igantziarrek 18-15 irabazi zieten Ados Pilotako Ane Deskarga iturendarrari eta Baleztenari.
