Iruritako Aranabia pilotalekuan jokatutako lehen finalerdian 30-14 irabazi zion Matxin III.ari eta abenduaren 20an Agoitzen Otanok eta Ionek jokatuko dutenaren irabazlearen esperoan egonen da abenduaren 27an Labriten
Euskal Jai Berri erremonte fundazioak eta E•Remonte Iruña SKL enpresak antolatutako Gabonetako banakako erremonte profesionaleko txapelketa Martiko 2024ko Sari Nagusiko lehen finalerdia jokatu dute zuten larunbat arratsaldean Iruritako Aranabian. Gaur egungo txapeldunak, Xanti Uterga doneztebarrak 30-14 irabazi zion Matxin III.ari eta abenduaren 27an Iruñeko Labriten jokatuko den finalerako txartela erraz eskuratu zuen.
Iruritako jaialdia hasteko jokatu zen binakako partidan, Xuban Iturregi iruritarrak eta Agirrezabalak 35-23 irabazi zieten Jon Sagaseta iruritarrari eta Markel Leatxe donamariarrari.
Gabonetako banakako txapelketako bigarren finalerdia abenduaren 20an, ortziraleak 19:00etan jokatuko dute Otanok eta Ionek Agoitzeko pilotalekuan. Finalerdi honetako irabazleak eta Utergak abenduaren 27an, ortziralean 18:45ean Iruñeko Labrit pilotalekuan. Finala Navarra TV telebistak emanen du zuzenean.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.