Eskualdeko 253 ikaslek parte hartuko dute 2025eko Nafarroako Iraupen Eskiko Eskola Kanpainan

Urriaren 28an egin zituzten zozketa eta, horren arabera, eskualdeko hamasei ikastetxetako 253 ikasleri tokatu zaie iraupen eskiko eskola kanpainan parte hartzeko aukera. Haiekin batera, 28 irakasle joanen dira. Zehazki, Baztango herrietako eskoletako ikasleak, Doneztebeko Mendaur institutuko ikasleak, Goizuetako ikasleak, Elizondoko eskolakoak, Baztan Ikastolakoak, Berako Jesusen Bihotza ikastetxeko ikasleak eta Berako Toki Ona institutuko ikasleak joanen dira.

Bertze hainbat, ordea, kanpoan gelditu dira; konparazio batera, eskualdeko lau ikastetxetako ikasleak: Berako Labiaga ikastolako 5. eta 6. mailako ikasleak, Leitzako Erleta eskolako 5. mailako eta Amazabal institutuko DBH 1eko ikasleak eta Doneztebeko eskolako 6. mailako ikasleak.

Egonaldiko dagokienez, Otsagabian 2015eko urtarrilaren 13an hasi eta martxoaren 28ra arte hamar txanda eginen dituzte, eta Izaban, data berean hasi eta apirilaren 11ra arte hamabi txanda antolatu dituzte.

Bertzetik, joan den urteko datuekin konparatuz, eskualdeko ikasle guttiagok parte hartuko dute 2025eko kanpainan, zehazki, 133 guttiagok. Eta horrekin batera, bi ikastetxek errepikatuko dute egonaldia: Elizondoko eskolak (joan den urtean seigarren mailako 14 ikaslek parte hartu zuten) eta Goizuetako eskolak (joan den urtean bosgarren, seigarren eta DBHko 31 ikaslek parte hartu zuten).

Izabara joanen diren eskualdeko ikastetxeetako ikasleak

2. txanda, urtarrilaren 20tik 24ra

11. txanda, martxoaren 31tik apirilaren 4ra

Otsagabira joanen diren eskualdeko ikastetxeetako ikasleak

1. txanda, urtarrilaren 13tik 17ra

2. txanda. urtarrilaren 20tik 24ra

4. txanda otsailaren 3tik 7ra

8. txanda, martxoaren 17tik 21era