2025eko aurrekontuak Nafarroan

Eskualdeari begira, 717.000 euroren balioa duten zuzenketak aurkeztu dituzte

Ttipi-Ttapa 2024ko aza. 22a, 09:00
Deskargatu Info Ahotsak :
Español English Français Català Galego

Goizuetan eskolan estalpea egiteko 200.000 euroren balioa duen zuzenketa aurkeztu du EH Bilduk.

Nafarroako Gobernuaren 2025erako aurrekontu proiektuarekin lanean segitzen dute. Atzo, EH Bildu, Geroa Bai, PSN eta Zurekin alderdien botoekin alde batera gelditu ziren UPN, PP eta VOXen zuzenketak. Eta PSNk, EH Bilduk, Geroa Baik eta Zurekinek guztira 300 zuzenketa aurkeztu dituzte; tartean daude, EH Bilduk eta Geroa Baik eskualdeko udalentzat proposatutakoak.

Eskualdeari eragiten dioten zuzenketak

EH Bilduren zuzenketak
  • Lesakan, zahartzaro aktiborako parkea: 150.000 euro
  • Goizuetan, eskolako estalpea: 180.000 euro
  • Arantzan, parking-a: 30.000 euro
  • Donezteben, osasun zentroa: 200.000 euro
Geroa Bairen zuzenketak
  • Baztanen, Harremanak zentroa eta Agozpe modernizatzea: 50.000 euro
  • Lesakan: Andra Mari zahar etxeko igogailua berritzea: 57.000 euro
 Elkarlanean aurkeztutako zuzenketak
  • Baztanen, Elizondoko saihesbidea: 50.000 euro

Talde parlamentario bakoitzak 400.000 euro ditu aurrekontuetan bere proposamenak aurkezteko, eta horrez gain, bertze 45.000 euro parlamentari bakoitzeko. Hala, PSNk 5,3 milioiren balioa duten zuzenketak erregistratu ditu; EH Bilduk 4,4 milioiren balioa dutenak, Gero Baik 3,5 milioirenak eta Zurekinek 1,7 milioirenak.

Zuzenketak abenduaren 9tik 13ra bitarte eztabaidatuko dituzte eta aurrekontuak abenduaren 19an onartzea espero dute.

 

Politika

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun