HAUR ETA LEHEN HEZKUNTZAK
BAZTANGO ESKOLAK
- Almandoz: Eskolako klaustro osoak bat egin du greba deialdiarekin, baina hiru klaustrokideetatik batek zerbitzu minimoak bete behar izan ditu. Ikasleei dagokienez, hamalau ikasleetatik hamaika joan dira eskolara.
- Amaiur: Amaiurren klaustroaren % 100ak egin du bat grebarekin, sei irakasleek. Baina zerbitzu minimoak bermatzen aritu dira.
- Arizkun: Zazpi irakasle dira eta guztiek bat egin dute grebarekin, baina bik zerbitzu minimoak bermatu behar izan dituzte.
- Arraioz: Lau irakaslek greba egin dute eta bertze biak zerbitzu minimoak egin behar izan dituzte. Ez da ikaslerik joan eskolara.
- Azpilkueta: Klaustroa sei irakaslek osatzen dute eta herenak greba egin du.
- Elizondo: Guztira 24 irakasle dira eta horietatik hamaseik greba egin dute eta zortzi lanera joan dira guttieneko zerbitzuak betetzera.
- Erratzu: Irakasleen % 100ak bat egin du grebarekin. Sei irakasle dira eta bi bakarrik aritu dira lanean, zerbitzu minimoak bermatzeko.
- Gartzain: Klaustroan hiru irakasle dira eta irakasle batek egin du greba. Bertze biak zerbitzu minimoak bermatu behar izan dituzte. Ikasleen kasuan, hemezortzitik zortzi joan dira.
- Irurita: Hamar irakasleetatik seik greba egin dute eta hiruk zerbitzu minimoak bermatu behar izan dituzte. Ikasleen kasuan, 52tik 38 joan dira eskolara.
- Lekaroz: Bi irakaslek greba egin dute eta bertze bik zerbitzu minimoak bermatu behar izan dituzte.
- Oronoz: Oronozen erdiak egin dute greba eta gutieneko zerbitzuak eskaini behar izan dituzte.
- Ziga: Zuzendariak eta irakasleak grebarekin bat egin dute, baina zerbitzu minimoak bermatzeko biek lanera joan behar izan dute.
BERTIZARANAKO ESKOLAK
- Legasa: Irakasleen %63ek egin dute bat greba deialdiarekin. Zortzi irakasle dira, bortzek greba egin dute, bi lanera joan dira eta zuzendaria, derrigortuta, lanera.
- Narbarte: Irakasle guziak lanera joan dira; ez dute grebarik egin.
BORTZIRIETAKO ESKOLAK
- Arantza: Irakasleen % 29k egin dute greba, hau da, hamalau irakasleen artean lauk.
- Bera: Ricardo Baroja eskolan % 20ko segida izan du grebak. 20 irakasle dira eta lauk egin dute greba. Hala ere, zuzendaria eta ikasketa burua «derrigor» aritu dira zerbitzu minimoak bermatzen.
- Etxalar: Landagain eskolan hamar irakasleetatik bederatzik greba egin nahi zuten, eta batek ez. Baina bederatzi horietatik bik zerbitzu minimoak egin behar izan dituzte.
- Igantzi: Gehiengoak greba egitea erabaki du eta guttieneko zerbitzuak egin dituzte. Zehazki, lauk egin dute greba eta hiru irakasle aritu dira eskolan.
- Lesaka: Irain eskolan, hemeretzi irakasleetatik hamazazpik egin dute greba, hau da, % 90ak.
LEITZALDEKO ETA URUMEALDEKO ESKOLAK
- Areso: Nazabal eskolan, bost irakasle dira eta %100ak bat egin du grebarekin. Hala ere, zerbitzu minimoak bete behar izan dituzte.
- Goizueta: Andres Narbarte Xalto eskolan, hamabost irakasle dira eta zerbitzu minimoak direla eta, bostek ikastetxean gelditu behar izan dute. Ikasleen kasuan, 74 ikasleetik lau eskolara joan dira.
- Leitza: Erleta eskolan ere % 100eko segida izan du. Zehazki, 30 irakasleen artean, seik zerbitzu minimoak bermatu dituzte.
MALERREKAKO ESKOLAK
- Doneztebe: San Miguel eskolan, irakasleen %29,4k egin dute greba, hau da, hamar irakaslek.
- Ituren: Pulunpa eskolan, ez du inork grebarik egin.
- Saldias: Hiru irakasle dira eta batek egin du greba. Baina adierazi dutenez, aurretik egun honetan irteera egitea adostua zuten.
- Sunbilla: Hamabost klaustrokideetatik hamar irakaslek egin dute greba.
XARETAKO ESKOLA
- Urdazubi-Zugarramurdi: % 100eko segida izan du. Bederatzi irakasle dira denetara, eta batek gaurko eguna libre du eta bi irakasle zerbitzu minimoetan aritu dira.
INSTITUTUAK ETA LANBIDE ESKOLAK
BAZTAN
- Lekarozko institutua: 74 irakasleetatik 48k bat egin dute grebarekin.
- Elizondo Lanbide Eskola: Grebaren jarraipena % 100ekoa izan da. Horri lotuta, goizean Oronozen elkarretaratzea egin dute, eskualdeko Lanbide Eskola berriaren proiektua geldiarazi izana salatzeko. Handik, kotxe karabanan Iruñeko mobilizazioetara joan dira.
BORTZIRIAK
- Berako institutua: Toki Ona institutuan, 70 irakasleetatik % 62k egin du greba.
LEITZALDEA
- Leitzako institutua: Amazabal institutuan 50 irakasle dira klaustroan, eta zerbitzu minimoetan aritu dira. Guttieneko zerbitzuak bost irakaslek eta zuzendaritzako bi kidek osatu dituzte. Horietaz gain, irakasle bakarra joan da lanera.
MALERREKA
- Doneztebeko institutua: Mendaur institutuan, 33 irakasleetatik 23k egin dute greba.