Fundación Caja Navarra eta Nafarroako Tokiko Prentsaren Elkartea (Nafarpres) elkarlanean hasi dira, bi helbururekin: Fundación Caja Navarraren ekimenek Nafarroa osoan zabalkunde hobea izan dezaten eta Nafarpres-eko honetako bederatzi argitalpenak, tokiko eta landa eremuari lotutakoak, sustatzea.
Nafarpres-ek bederatzi argitalpen biltzen ditu bere baitan, Nafarroako hainbat eremutan banatuak: Lizarraldea, Izarbeibar, Erribera, Sakana, Erdialdea, Larraun Harana, Ekialdeko Pirinioak, Pirinio Atlantiarrak eta Iruñeko Txantrea auzoa. Lankidetza honekin, Nafarroako lurraldearekiko konpromisoa eta Nafarroako eremu guztietan presentzia izateko nahia erakusten ditu Fundación Caja Navarrak.
Fundación Caja Navarraren Plan Estrategikoaren bigarren ardatzean Nafarroako lurralde osoan presentzia indartzeko eta landa eremuko ekimenak babesteko beharra jasotzen da. Horrela, bi entitateen arteko lankidetza hori Fundazioaren helburu horretan oinarritzen da, eta Nafarroako eremu horietako biztanleek Fundación Caja Navarra hobe ezagutuko dutela bermatzen du. Aldi berean, lankidetzak komunikazio sektorearen jarduera bultzatzen du landa-eremuan.
Sandra Goldaraz Nafarpres elkarteko ordezkariak positiboki baloratzen du lankidetza hitzarmen hau. «Hitzarmen berritzailea da, landa eta tokiko eremuko informazio garrantzitsuenaren transmisore gisa tokiko hedabideen balioa azpimarratzen} duelako. «Gure elkartearentzat garrantzitsua da akordio hau, Fundación Caja Navarrak gure komunikabideetan jarri duen konfiantza erakusten baitu, landa eremuan bizi den herritarrengana zuzen iristeko bide nagusi gisa. Laguntza honek ordezkatzen ditugun komunitateei ahotsa emateko gure konpromisoa indartzen du», gaineratu du Sandra Goldáraz Nafarpres-eko presidenteak.
Nafarpres Nafarroako Tokiko Prentsaren Elkarteak bere ibilbidea 2006ko abenduan hasi zuen, prentsa eta tokiko informazioa herritarrengandik hurbilen dagoen ikuspegitik sustatzeko helburuarekin. Bere helburu orokorrak honako hauek dira: komunikabideekin, artearekin eta kulturarekin lotutako jarduera guztiak tokiko ikuspegitik sustatzea; ikuspegi lokaletik informazio eta arte ekoizpen multimedia bultzatzea; eta Nafarroako tokiko komunikazio proiektuen artean lankidetzarako sare bat sortzea.
Nafarpres osatzen dute tokiko komunikabideak
Honako hauek osatzen dute Nafarpres: Guaixe (Sakana), La voz de la Merindad (Erdialdea), Entreto2 Tierra Estella, Entreto2 Valdizarbe, Mailope (Araitz, Betelu, Larraun, Lekunberri), Mendixut (Ekialdeko Pirinioak), Plaza Nueva (Erribera), TTIPI-TTAPA (Pirinio Atlantiarra) eta Txantrean Auzolan. Argitalpen batzuk osorik euskaraz daude (Guaixe, Mailope eta TTIPI-TTAPA), eta gainerakoak nagusiki gaztelaniaz argitaratzen dira, nahiz eta horietako batzuk orrialde batzuk euskaraz ere argitaratzen duten.