Genozidioa gelditzeko eta palestinarrei babesa emateko deitu zituen mobilizazioak Gernika-Palestina ekimenak. Nabarmendu behar da Israelek 43.000 palestinar baino gehiago hil dituela 2023ko urriaren 7az geroztik eta Gazako azpiegituren % 70 suntsitu duela haren armadak.
Palestinarrek bizi duten amesgaiztoa deskribatzen zuen poema irakurri zuten herri gehienetan eta mobilizazioei bukaera emateko, Gernika-Palestina herri ekimenaren kolaboratzailea izandako Mahasen Al-Khatib gazte ilustratzailearen hilketa ere salatu zuten. Azaldu zutenez, Israelgo armadak Gaza iparraldean dagoen Jabalia herrian egin duen eraso batean hil zuten, beste dozenaka palestinarrekin batera.