Ribaforadako jaialdia hasteko, Matxin III.a eta Markel Leatxe donamariarra, Eloy Otxandorena eta David Mitxeo doneztebarren kontra ariko dira. Erremonte Fundazioak antolatzen dituen bertze jaialdiak bezala, hau ere solidarioa izanen da eta sarreran biltzen den guztia GERNA elkartera (Nafarroako Gaixotasun Arraroen Elkartea) bideratuko da. Hamasei urtetik goitikoek bortz euro ordaindu beharko dute eta, partidak akitzerakoan, erremontisten kamisetak zozketatuko dituzte.
Nafarroako erremonte txapelketako bigarren bikote finalista Ribaforadan erabakiko da irailaren 29an
Utergak eta Agirrezabalak 18 tanto egitea aski izanen dute Sagasetaren eta Otanoren kontrako igande eguerdiko partidan
Nafarroako erremonte txapelketako hemeretzigarren edizioko finala jokatuko duen bigarren bikotea irailaren 29an ezagutuko da, igande eguerdian Ribaforadan jokatuko den bigarren finalerdiko itzulerako partida bukatu ondotik, Xanti Uterga doneztebarra eta Agirrezabala, Jon Sagaseta iruritarraren eta Otanoren kontra ariko dira. Joanekoan 35-17 irabazi zuten Utergak eta Agirrezabalak Garesen eta, beraz, 18 tanto egitea aski izanen dute, urriaren 5ean Zubirin jokatuko den finalean izateko. Eloy Otxandorena eta Ion dituzte esperoan.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun