Ortziralean, hilaren 27an, Leitzako Eki Mateorena eta Kattalin Lizarraga parte hartzaile diren Manteleko Sobrak eta Drimtin taldea ariko dira nor baino nor Leitzako Gaztetxean. Saioa 20:00etan izanen dira.
Eskualdeko azken saioa, aldiz, Erratzun izanen da, biharamunean, larunbatean, hilaren 28an. Eskualdeko bi talde ariko dira: Baztango Baztanzopak eta Bortzirietako Hor Gu!. Saioa 19:00etan izanen da Erratzuko Elkartean.
Aste honetako bertze saioak
Eskualdean eginen dituzten saioez gain, asteburuan egingo dituzten bertze saioetan ere ariko dira eskualdeko taldeak. Gaur, asteazkena, Baztango eta Bortzirietako bertsolariek osatutako Mutilatuak taldea Iruñeko Laban ariko da 19:00etan EzKrashak taldearen kontra.
Ortziralean, hilaren 23an, Atarrabian ariko dira Malerrekako Malerreka ez da Baztan taldeko kideak Argako Bixiguak taldearen kontra. Saioan 19:30ean izanen da Azkena Elkartean.
Egun berean, Erronkarin Baztango Baztanzopak taldearen txanda izanen da. Errimaren Matxinatuak taldearen kontra arituko dira 19:00etan Erronkariko Errotan. Biharamunean ere kantatuko da Baztanzopak taldeak Erratzun.