Nafarroako erremonte txapelketako hemeretzigarren edizioko bigarren finalerdiko joaneko partida jokatu zuten igandean Zangozan. Eloy Otxandorena doneztebarrak eta Ionek finalerako urrats handia eman zuten, 35-19 irabazi baitzieten Xuban Iturregi iruritarrari eta Aimar Saldias oiztarrari.
Hasieratik agindu zuten gorriek (4-0) eta agudo hartu zuten aldea markagailuan. Kolore handirik gabeko partida izan zen eta alderik handiena bukaeran izan zen (35-19), hamasei tantoko aldea itzulerako partidarako. Hain zuzen, heldu den larunbatean, Irunberriko Ilunberri pilotalekuan jokatuko dute bi bikote hauek finalerdietako itzulerakoa eta orduan jakinean da lehen bikote finalista zein den.
Zangozako besten barrenean, igande arratsaldeko jaialdiko lehen partidan, Mikel Mikelarena oiztarrak eta Agirrezabalak 30-28 irabazi zieten Xanti Uterga doneztebarrari eta Baztani.