Lesakan Bortzirietako hainbat belaunalditako emakumeek osaturiko Hor Gu! eta Errimaren Matxinatuak taldeak arituko dira nor baino nor. 19:00etan hasiko da saioa Beheko plazan. Hor Gu! taldeko kideak dira Ekhiñe Zapiain, Maddi Ane Txoperena, Kattin Madariaga, Esti Arozena, Ane Telletxea, Lide Igoa, Uxue Mesa eta Iratxe Muxika.
Sunbillan ordu erdi beranduago hasiko da saioa, 19:30ean Ulibeltzak elkartean. Malerreka ez da Baztan eta Pikutara Goaz taldeak ariko dira bertan. Iker Gorosterrazu, Egoitz Gorosterrazu, Bittori Elizalde, Gaizka Baigorri, Itxaso Arrieta, Maialen Belarra, Edorta Murua, Irati Agesta, Irati Arrieta, Jon Aldabe, Oier Zulaika, Xabi Garraus eta Xuban Etxegia ari dira Malerrekako taldean.
Asteburu berean, txapelketako hirugarren saioa jokatuko dute Lizarran eta Assurancetourix eta Leitzako Eki Mateorena eta Kattalin Lizarraga taldekide diren Manteleko Sobrak ariko dira.