Iturregik eta Saldiasek tanto bakarragatik irabazi diete Matxin III.ari eta Mitxeori

Ttipi-Ttapa 2024ko abu. 12a, 20:00
Deskargatu Info Ahotsak :
es en fr

Saldias, Iturregi, Mitxeo eta Matxin III.a, Garrido epailea tartean dutela, larunbatean Mendabian. Urdinek lortu zuten garaipena eta aitzinera eginen dute txapelketan. Gorriak kanpoan gelditu dira.

Nafarroako erremonte txapelketako hirugarren jardunaldia jokatu zuten Mendabian eta hurrengoa abuztuaren 17an izanen da Hendaian

Xuban Iturregi iruritarrak eta Aimar Saldias oiztarrak 35-34 irabazi zieten larunbatean Mendabian Matxin III.ari eta David Mitxeo doneztebarrari Nafarroako Foru Komunitateko XIX. erremonte txapelketako hirugarren jardunaldian. Matxin III.ak eta Mitxeok lehen jardunaldian ere galdu zutenez, txapelketatik kanpo gelditu dira. Iturregik eta Saldiasek, aldiz, aitzinera eginen dute.

Mendabiako jaialdiko lehen partidan, Mikel Mikelarena oiztarrak eta Agirrezabalak 30-19 irabazi zieten Jon Sagaseta iruritarrari eta Barricarti.

Kirola Baztan Malerreka Irurita Donamaria Doneztebe Oiz

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun