Tenperatura beroak igandean
Eskualdeari begira gaur eta bihar ez du abisurik eman Aemetek tenperatura dela eta, baina iganderako bai. Zehazki 13:00etatik 21:00 aldera arte alerta laranja ezarri du, eta termometroak 40 gradu ingurura ailegatzen ahal direla jakinarazi du.
Sute arriskua, berriz, muturrekoa izanen da igandean eskualdean. Baina gaur eta bihar ere arriskua moderatua, altua edo hagitz altua izanen da udalerriaren arabera. Hala, Nafarroako Gobernuak berriz ere kanpoan suarekin kasu emateko eskatu du.
Sute arriskua eskualdean
Gaur, ortziralea:
- Abisu laranja, hau da, sute arrisku hagitz altua: Aranon, Goizuetan, Lesakan eta Beran.
- Abisu horia, hau da, sute arrisku altua: Areson, Leitzan, Ezkurran, Arantzan, Igantzin, Etxalarren, Sunbillan, Zubietan, Iturenen, Elgorriagan, Urdazubin eta Zugarramurdin.
- Abisu berdea, hau da, sute arrisku moderatua: Eratsunen, Saldiasen, Beintza-Labaienen, Urrozen, Oizen, Donamarian, Donezteben, Bertizaranan eta Baztanen.
Bihar, larunbata:
- Abisu gorria, hau da, suteen muturreko arriskua: Beran.
- Abisu laranja, hau da, suteen arrisku hagitz altua: Aranon, Goizuetan, Areson, Leitzan, Arantzan, Igantzin, Etxalarren, Lesakan, Ezkurran, Eratsunen, Saldiasen, Beintza-Labainen, Urrozen, Zubietan, Iturenen, Elgorriagan, Donezteben, Sunbillan, Bertizaranan, Urdazubin eta Zugarramurdin.
- Abisu horia, hau da, suteen arrisku altua: Baztanen, Donamarian eta Oizen.
Etzi, igandea:
- Abisu gorria denean. Hau da, eskualde guzian suteak izateko arriskua muturrekoa izanen da.