Jai Alai Summer Seasonek bi txapelketetako lehen bi finalistak ezagutu zituzten ostegunean Galarretan jokatutako jardunaldian. Txapelketa nagusian Aritz Juanenea saldiastarrak eta Ansa II.ak finalerako txartela lortu dute Barrenetxea IV.ari eta Urrizari 2-0 irabazita (15-9 eta 15-9). Barrenetxea eta Urriza, Aldabe eta Larrañagaren aurka neurtuko dira uztailaren 20an bigarren txartelaren bila.
B txapelketan, berriz, Susperregik eta Aiestaranek lortu dute finalerako txartela, Gurrutxagari eta Apezetxeari 2-0 irabazita (15-11 eta 15-10). Galtzaileek Zalduaren eta Aritz Zubiri goizuetarraren aurka jokatu beharko dute B mailako beste finalista postua, azken hauek gaur Goikoetxea V.ari eta Eskuderori 1-2 (15-9, 12-15 eta 7-8) irabazi ondotik.