Jai Alai Summer Season erremonte txapelketetako hirugarren jardunaldia jokatuko dute uztailaren 18an, ortzegunean 16:30ean Hasita Hernaniko Galarreta pilotalekuan. Jaialdiko bigarren partidan, txapelketa nagusian, Aritz Juanenea saldiastarra eta Ansa II.a, Barrenetxea IV.aren eta Urrizaren kontra ariko dira. Bi bikoteek irabazi egin zuten txapelketako lehen partida eta, beraz, gaurko irabazleak finalerako txartela izanen du saritzat. Galtzaileak bertze aukera bat izanen du.
Bertze bi partidak B txapelketakoak izanen dira. Lehenbizikoan, Goikoetxea V.a eta Eskudero, Zaldua eta Arluziagaren ordez jokatuko duen Aritz Zubiriren kontra ariko dira. Bi bikoteek galdu egin zuten estreinako partidan eta, beraz, galtzailea txapelketatik kanpo geldituko da eta irabazleak bertze aukera bat izanen du. Jaialdiko hirugarren partidan, lehen jardunaldian irabazi zuten bi bikoteak ariko dira nor baino nor gehiago: Gurrutxaga eta Oier Apezetxea goizuetarra, Susperregi eta Aiestaranen kontra. Bikote irabazlea finalean izanen da.