Nafarroako mendi txirrindularitza selekzioak asteburu honetan El Almendron (Huelva) jokatu den Team Realy erreleboetako proban meritu handiko bigarren postua eskuratu du. Selekzio bakoitzean sei txirrindularik parte hartzen dute proban, hiru emakumek eta hiru gizonezkok, elite, sub23 eta junior mailakoak. Nafarroako selekzioarekin, eskualdeko txirrindulariei dagokienez, Eneit Bertiz sunbildarra 23 urtez beheitikoetan eta Jon Egizabal junior mailan aritu dira eta taldeka zilarrezko dominarekin bueltatu dira biak.
Igandean, bakarkako modalitatea junior mailan Jon Egizabalek 14. postua lortu zuen. Karrera guztia lehenengo hamarretan joan ondotik gurpilean zulatu baten ondorioz lau postu galdu zituen azkenean.