Asteburu honetan jokatu dira Laxoa Elkarteak antolatutako Nafarroako 44. Laxoa txapelketako final laurdenak. Lehen partidan, Doneztebe Apeztegiak eta Irurita Migelenek jokatu zuten. Bigarren partidan, Arraioz Sagardiak eta Oiz Bk jokatu zuten.
Lehen partidan, Doneztebekoek beraien plaza aprobetxatu zuten eta partida 9-5 irabaztea lortu zuten. Bigarren partida ere larunbatean jokatzekoa zen, baina euria dela eta, azkenean, astelehenan jokatu zen. Arras partidu parekatua izan zen eta azkenean, baztandarrek irabaztea lortu zuten: Arraioz Sagardiak 9-Oiz Bk 8.
Horrela bada, Doneztebe Apeztegia eta Arraioz Sagardia taldeek, finalerdi handirako txartela lortu zuten eta bertan Doneztebe The Moment eta Oiz A izanen dituzte esperoan, hurrenez hurren. Irurita Migelene eta Oiz Bk, aldiz, final erdi txikirako txartela lortu dute. Doneztebeko Menditxuri eta Titi taldeen aurka jokatuko dute, hurrenez hurren.
Asteburu honetan, atsedenaldia izanen dute taldeek eta gero, finalerdietako kanporaketak hasiko dira.