Sagardoaren Txapelketaren lehenengo fasea amaitzeko jardunaldi bakarra falta da eta gauzak aunitz argitu ziren ortzeguneko azken aurreko jardunaldian. Aimar Jabalera doneztebarrak Loitegi ordezkatu zuen txapelketako lehenengo partidan eta Barrenetxearekin batera, 2-0 (15-8 eta 15-9) garaitu zituzten Josetxo Ezkurra II.a doneztebarra eta Azpiroz. Bigarren partidan ere Urrizak eta Martirenak 2-0 (15-11 eta 15-10) lortu zuten irabaztea Aldabe eta Aritz Juanenea saldiastarraren kontra. Emaitza hauekin, Aldabe eta Juanenea (Gurutzeta) kanporatuak izan dira eta hiru bikote dagoeneko sailkatuta daude finalerdietara: Urriza-Martirena (Aburuza), Ezkurra II-Azpiroz (Alorrenea) eta Ansa II-Zubiri (Bereziartua).
Laugarren eta azken sailkatua azkenengo jardunaldian erabakiko da. Jabalera eta Barrenetxeak, Aldabe-eta Juaneneari irabazten badiete sailkapena eurena izanen da. Galtzen badute eta Segurola-Larrañagak (Petritegi) Ezkurra eta Azpiroz gainditzen badituzte, Petritegiko bikotea izanen da sailkapena lortuko duena.
Aimar Jabalerak lehen partida zuen txapelketan eta maila ikaragarria eman zuen, denera hamabi tanto eginez eta pilota bat bakarrik galduz.
Sailkapena
- Urriza-Martirena (Aburuza), 13 puntu
- Ezkurra II.a-Azpiroz (Alorrenea), 11 puntu
- Ansa II.a-Zubiri (Bereziartua), 10 puntu
- Loitegi-Barrenetxea IV.a (Oialume Zar), 8 puntu
- Segurola-Larrañaga (Petritegi), 6 puntu
- Aldabe-Juanenea (Gurutzeta), 0 puntu
Ekainaren 6ko emaitzak Galarretan
- Arluziaga-Apezetxea, 0; Susperregi-Goikoetxea VI.a, 2
- Jabalera-Barrenetxea IV.a, 2;Ezkurra II.a-Azpiroz,0 SAGARDOAREN TXAPELKETA
- Urriza-Martirena, 2; Aldabe-Juanenea, 0 SAGARDOAREN TXAPELKETA