Alebin mailan, Arkupe elkarteko Eneritz Muñoa lesakarrak eta Ainara Hita igantziarrak 6-18 galdu zuten Ultzamako Alsua eta Beginoren kontra. Kontuan hartzekoa da Arkupeko bikotea adinez ttkiagoa zela, benjaminak oraindik, baina halere, bigarren fasean garaile eta azken fasean txapeldunorde izan dira.
Infantil mailan, Arkupeko Nahia Almandoz eta Joana Iratzoki igantziarrek 18-15 irabazi zieten Zizurko Ardoi elkarteko Gomez eta Setuainen kontra. Kasu honetan ere, adinez ttikiagoak ziren Arkupekoak, alebin mailakoak, baina halere bigarren fasean txapeldunorde eta finalean txapeldun izan dira.
Kadete mailan, azkenik, Errekako Zelai Sarratea ultzamarrak eta Nahia Bertiz sunbildarrak 22-5 irabazi zieten Umore Onako Alize Sagardui goizuetarrari eta Araitz Legarreta aranoarrari.
