Beti Gazteko emakumeak txapeldun eta gizonezkoak txapeldunorde izan dira pisu arinetako Nafarroako lauko sokatira txapelketan

Ttipi-Ttapa 2024ko mai. 20a, 20:00

Beti Gazteko emakumeek kitarako tiraldia behar izan zuten Txantreako finalean, 240 kiloko txapela janzteko.

Nafarroako launakako sokatira txapelketako azken tiraldiak egin zituzten larunbat arratsaldean Txantrean. Gizonezkoen eta emakumezkoen pisu arinetan, 300 eta 240 kilotan, hurrenez hurren, Antsoainen abiatutako sailkapen fasea osatu eta finalerdiak eta finala jokatu zituzten. Emakumezkoetan Beti Gazte suertatu zen txapeldun Berriozar kitarakoan menperatuta eta gizonezkoetan, alderantziz, Berriozarrek irabazi zion Beti Gazteri finalean.

Emakumeen 240 kiloko txapela jantzi zuen laukotean Irantzu Goienetxe, Irati Andueza (Doneztebe), Maialen Lopez eta Ainhoa Ubiria aritu ziren tiran, Joxe Angel Mitxelena entrenatzaile zutela. Beti Gazte eta Berriozarren gibeletik, Araxes hirugarren izan zen eta Txantrea B laugarren.

Gizonezkoen 300 kiloko kategoriako finalean, aldiz, Berriozarrek irabazi zion Beti Gazteri, Txantrea A hirugarren izan zen eta Txantrea B laugarren.

Kadete mailako txapelketan, eskualdeko ordezkaritzarik gabe, Berriozar Ak irabazi zuen txapela, Berriozar B bigarren izan zen, Antsoain A hirugarren, Antsoain B laugarren, Paz de Ziganda A bosgarren eta Paz de Ziganda B seigarren.

Kirola Baztan Bortziriak Amaiur Lesaka

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.

Egin TTIPI-TTAPAren lagun