Ortziraleko jaialdia ireki zuen partidan, berriz, aitzinetik finalean zeuden bi erremontistak, Zeberio II eta Ion, Aimar Leatxe donamariatarrarekin eta Jon Sagaseta iruritarrarekin bikote eginez aritu ziren. Sagasetak eta Ionek 30-28 irabazi zieten Zeberio II.ari eta Leatxeri.
Txapelketako finalerdiari dagokionez, hasiera berdindua izan zen, baina Malerrekako bikoteak lau tantoko aldea ere izan zuen (2-6). Gero, hainbat berdinketa izan ziren (6-6, 8-8, 9-9, 10-10, 11-11, 12-23 eta, azkena, 17-17koa). Hor bortz tanto segidan egin zituzten gorriek (22-17) eta aldetxo horri eutsi zioten bukaeraraino, urdinak 27-26 hurbiltzea lortu baldin bazuten ere. Azkenean 35-30 irabazi zuten Matxin III.ak eta Otanok.