Donostia, Irun eta Iruñera doazen autobus zerbitzuetan hobekuntzak iragarri dituzte, «ordutegiak hobetu eta erabiltzaileen beharretara egokituko dituzte». Oronozen, Elizondon eta Lesakan dute geltokia hiriburuetako joan-etorria egiten duten autobusek eta horiek hartu ahal izateko, herrien arteko lotura taxien bidez egitea proposatu dute: «eskaeraren arabera emanen litzateke zerbitzua, erabiltzaileek aldez aurretik eskatuta». Herrien arteko garraio zerbitzu hau autobus zerbitzuen kontzesioaren barruan sartuko lukete. Nafarroako Gobernuak egindako proposamenak «hainbat gabezia» dituela ikusi dute eskualdeko udalek. Apirilaren 5era arteko epea eman die gobernuak ekarpenak egiteko.
Martxoaren 25ean Baztan-Bidasoa eta Ultzama aldeko hemezortzi udal ordezkarirekin bildu zen Berta Miranda Nafarroako Gobernuko Garraioaren eta Mugikortasun Jasangarriaren zuzendari nagusia. Elizondon egin zuten bilkura eta hiri eta herrien arteko autobus zerbitzuaren kontzesioa egiteko landu duten proposamena aurkeztu zien. Iruña eta Donostia arteko linea erregularra berritu, herri arteko komunikazioa hobetu eta hiriburuetarako joan-etorriak erraztu nahi dituztela nabarmendu zuen. Eskualdeko udalek apirilaren 5era arteko epea izanen dute ekarpenak egiteko. Kontzesioa datorren uda amaitu baino lehen lizitatu eta 2025 urte hasieran martxan jartzea aurreikusten dute.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun