Malerrekako eskola ttikien joko topaketaren hamaikagarren edizioa martxoaren 27an eginen dute, aurtengoan Legasan. Ituren, Legasa, Narbarte, Saldias eta Sunbillako eskoletako ikasle, irakasle eta gurasoak bilduko dira ospakizunean.
Asteazkenean 09:30ean elkartuko dira Legasako frontoian eta bertso berria kantatuko dute. 10:00etatik 11:00etara, Haur Hezkuntzako eta Lehen Hezkuntzako lehen eta bigarren mailako ikasleek Kultur Magik taldearen emanaldia ikusiko dute eta Lehen Hezkuntzako 3., 4., 5. eta 6. mailako ikasleek jokoak izanen dituzte frontoian. 11:00etatik 11:45era gosaria eta dantza izanen dute plazan. 11:45ean Kultur Magik taldearen emanaldia ikusiko dute oraingoan 3. Mailatik 6. Mailara bitarteko ikasleek eta ttikienek jokoak izanen dituzte frontoian. 13:15ean bertso zaharra kantatuko dute eta autobusak hartuko dituzte, bakoitza bere herrira joateko.