Iruñeko alde zaharreko hamargarren erremonte txapelketako seigarren jardunaldia jokatu dute martxoaren 22an, ortziralean Labrit pilotalekuan. Xanti Uterga doneztebarra eta Barricart, Eloy Otxandorena doneztebarraren eta Aimar Saldias oiztarraren kontra ariko dira, hil ala biziko partidan. Irabazleek finalerdietarako txartela lortuko dute, dagoeneko esperoan dauden Matxin III.a eta Otanoren kontra jokatzeko. Finalean zain daude Zeberio II.a eta Ion.
Ortziralean 19:00etan hasiko den jaialdiko lehen partidan, Xuban Iturregi iruritarra eta Markel Leatxe donamariatarra, Jon Sagaseta iruritarraren eta Baztanen kontra ariko dira. Txapelketako jaialdi guztietan bezala, sarreran biltzen den dirua ADANOri, Nafarroan minbizia duten umeen eta familien elkarteari, emanen zaio.