Iruñeko alde zaharreko hamargarren erremonte txapelketako bosgarren jardunaldia jokatuko dute martxoaren 14an, ortzegunean 19:00etan hasita Labrit pilotalekuan. Ez da eskualdeko erremontistarik izanen partida nagusian, baina apirilaren 12ko finaleko lehen protagonista gaur erabakiko da, Zeberio II.ak eta Ionek, Matxin III.aren eta Otanoren kontrako partidan. Irabazlea finalean izanen da. Gaurko galtzaileak, hurrengo asteburuan Uterga-Barricart eta Otxandorena-Saldias bikoteen artean jokatuko duten partidaren irabazlearen kontra jokatuko du finalerdia.
Gaurko jaialdiko lehen partidan, Oses eta David Mitxeo doneztebarra, Xuban Iturregi iruritarraren eta Agirrezabalaren kontra ariko dira. Txapelketa osoan bezala, jaialdiko sarreran biltzen den dira ADANO elkarteari emanen zaio.