Hartara, etxeko telebista bereizmen handiko LTD hartzeko gai baldin bada, kanalak berriz sintonizatzeko prozesua egin beharko ditugu. Telebistako agintean bada horretarako botoi bat. Orokorrean urrutiko agintean Menua sakatu behar izaten da, segituan 'Konfigurazioa' eta 'Kanalak bilatu', eta azkenik, 'Sintonizazio automatikoa' aurkitu eta sakatu. Bilaketa automatikoko prozesu horrek minutu batzuk behar ditu. Kateak berriro sintonizatzea ekintza erraza da, kosturik gabekoa eta telebista batzuetan automatikoki egiten da. Prozesua bukatu denean telebista kanalak nahi bezala ordenatzeko aukera izanen dugu.
Telebista kanalen emisio estandarrak desagertu eta bakarrik digitalak sintonizatuko dira hemendik aitzinera
Etxean orain arte bi modutan sintonizatzen ahal genituen telebista kateak baina, hemendik aitzinera, modu analogikoan emititzen zutenak ez dira gehiago ikusiko eta bakarrik digitalean emititzen dutenak ikusiko ditugu. Izan ere, TVEk otsailaren 6an itzali zuen seinale analogikoa, ETBk otsailaren 8an itzaliko du eta Espainiako kate pribatuek otsailaren 14an itzaliko dute. Hortaz, telebista kateen emisio estandarra desagertuko denez, komeni da etxeko telebistan gordeak ditugun kanalak berriz sintonizatzea.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun