Ados pilota elkarteak antolatutako eskuz binakako txapelketak aitzinera segitzen du eta Naroa Elizalde Etxekolonea zubietarrak ezin irabaziz segitzen du, Ane Mendibururekin batera. Larunbatean Irurtzunen eta igandean Erratzun jokatutako partidak galdu egin zituen.
Ohikoa denez, Irurtzunen nahiz Erratzun Adosen pilota eskolako txikienen partidekin abiatu ziren jaialdiak. Ondotik, Irurtzunen, Etxekolonea zubietarrak eta Mendiburuk 14-22 galdu zuten Aldaregia eta Ruiz de Larramendiren kontra. Txapelketako bigarren partida berdinduagoa izan zen, eta Barrokalek eta Agirrek 22-21 irabazi zieten Ruiz de Infante eta Galeanori.
Biharamunean, Erratzun, ttikienen partidan debuta egin zuen Aiora arraioztarrak. Txapelketako partidari dagokionean, markagailuak adierazten duena baino lehia orekatuagoa izan bazen ere, Barrokalek eta Agirrek 22-9 irabazi zieten Etxekoloneari eta Mendibururi.
