Aurtengo lehendabiziko txanda egokitu zaie eta honekin batera lehendabiziko elurtea ikusteko parada izan dute, zorionez. Honelako jardueretan elkarrekin parte hartzea dute aurrekontuei eta antolakuntzari aurre egiteko modu bakarra, beraien ikasle kopuruak eta aurrekontuak murritzak direlako. Horrez gain, eskualdeko haurrek elkar ezagutzea sustatzen dute, izan ere, elkarrekin ikasiko dute Derrigorrezko Bigarren Hezkuntzan eta erosoago eginen dute aldaketa aurpegi ezagunak izanik. Arduradunen hitzetan esperientzi ikaragarria izan da, eskiatzeaz gain jende anitz ezagutu eta jarduera arras interesgarriak egin baitituzte, bertzeak bertze, ginkanak, herri kirolak, escape room-a, diskoteka... Eta ikaragarri gozatu dute. Urtero egiteko moduko ekintza dela uste dute.