Igandean txapelketa mistoko kanporaketa jokatuko dute 580 kiloko kategorian Lesakako udal pilotalekuan, 11:30ean hasita. Etxeko Beti Gazte taldearekin batera, Amaiur, Abadiño A eta B (Bizkaia), Antsoain, Berriozar, Ibarra (Gipuzkoa), Txantrea eta Badaiotz lehiatuko dira, urtarrilaren 21ean Araban jokatuko den finalerako sei txarteletako baten bila.
Aitzinetik, larunbatean 17:00etan hasita Oiartzunen jokatuko dute gizonezkoen 600 kiloko eta emakumeen 500 kiloko bigarren jardunaldia. Kategoria hauetan, gizonezkoen finala urtarrilaren 20an jokatuko dute Gernikan (Bizkaia) eta emakumeena urtarrilaren 27an Pobesen (Araba), gizonezkoen 560 kiloko txapelketarekin batera.