Hutsik dauden etxeak edota bigarren etxebizitza direnak, 2022ko abenduaren 31n
Gure lurraldeari dagokionez, Nafarroako eremuan, bana bertze etxeen % 30 hutsik daude edo bigarren mailako erabilera dute, asteburukoa edo oporretakoa. Kopururik altuenak Aranon (% 68), Areson (% 58) eta Iturenen (% 58) ageri dira. Kontrara, bizitegi huts gutien dituzten herrien artean daude Elgorriaga (% 10), Leitza (% 16) eta Zugarramurdi (% 16).
Fokua Nafarroa osoko datuetara zabalduz gero, bana bertze etxebizitzen % 21 hutsik daude edo bigarren mailako erabilera dutenak dira. Eremuka, kopuru hori aisa handiagoa da Pirinioetan, Lizarraldean eta Nafarroaren erdi-ekialdean. Eremu horietan bizitegien % 50 baino gehiago hutsik baitaude. Kontrara, Iruñerrian dute bizitegi hutsen eta bigarren mailako erabilera duten etxebizitzen ehuneko ttikiena, % 15,3ko bana bertze.
Datuak ikusteko klikatu maparen gainean.