Honela, asfalto gaineko rallyei dagokienez, I klasean Doneztebeko Unai Apezetxea pilotua eta Eneko Mitxelena kopilotua sarituko dituzte, IV klasean Amaiurko Andoni Kamino kopilotua, VI klasean Doneztebeko Hodei Ariztegi kopilotua eta X klasean (FL) Arizkungo Julen Mendiberri pilotua eta Erratzuko Mairu Garisoain kopilotua. Eneko Mitxelenak junior mailako kopilotuen saria ere hartuko du.
Lur gaineko rallyei dagokienez, pilotuen lehen saria hartuko du Iñaki Ubiria lesakarrak eta kopilotuen bigaren saria Etxalarko Julen Maiak.
Mendiko rallyetan, monoplazetako pilotuen lehen saria Doneztebeko Andoni Blasentzat izanen da eta turismoetako pilotuen hirugarren saria Berako Joseba Beolarentzat. Eneko Mitxelenak junior mailako saria hartuko du.
Autocrosseko car cross dibisioan, Etxalarko Imanol Vicentek hartuko du lehen saria.
Slalomean, azkenik, turismoetan lehen saria Lesakako Joseba Lekuonak eskuratuko du eta bigarrena Sunbillako Inhar Amenabarrek eta monoplazetan, bigarren saria, Etxalarko Imanol Vicentek.