Larunbatean Bilboko manifestaziora joateko autobusak antolatu dituzte eskualdeko hainbat herritan

Ttipi-Ttapa 2024ko urt. 8a, 16:00

Joan den urteko ilbeltzeko manifestazioan Bilbon hartutako irudia. Argazkia: Sare Herritarra.

Sarek antolatuta, Konponbiderako giltzak lelopean, larunbat honetan, ilbeltzaren 13an, manifestazioa eginen dute Bilbon. «Mobilizazio baketsua eta demokratikoa» izanen dela adierazi du Sarek; bere helburua «milaka pertsonak euren eskuetan giltzak hartzea da, presoen etxerako bidea, konponbidea eta bizikidetza irekiko dituzten giltzak», hain zuzen. Harat joateko autobusak antolatu dituzte Baztanen, Bortzirietan, Malerrekan eta Leitzan.

Doneztebetik

Donezteben 13:30ean aterako da Bilborako autobusa eta joan nahi dutenek Iturengo Herriko Ostatuan eman beharko dute izena.

Elizondotik

Bilbora joateko autobusa 13:30ean aterako da Elizondotik, Baztanesa paretik. Izena Erratzuko Zubi Punta eta Elizondoko Intza ostatuetan eman beharko da eta fidantza gisa hamar euro utzi beharko dira.

Leitzatik

Leitzan ere autobusa antolatu dute eta 14:00etan abiatuko da Herri Aretotik. Izena Torrea tabernan edo Maimur eta Astiz liburu dendetan eman beharko da osteguna baino lehen. 15 euro ordaindu behar da, eta umeek doan izanen dute.

Lesakatik

Lesakako autobusa 14.00etan suhiltzaileen parketik aterako da. Joan nahi dutenek Arrano ostatuan eman beharko dute izena asteazkena baino lehen. Horren harira, Arantzan jende aunitz apuntatzen bada, bertatik ere autobusa aterako dela jakinarazi dute. Bertzela, Lesakatik joanen dira.

Manifestazioa 17:00etan abiatuko da La Casillatik.

Gizartea

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.

Egin TTIPI-TTAPAren lagun