Euskal Herriko sokatira txapelketak segida du urtarrilean. Urtarrilaren 7an, igande goizean Berangon (Bizkaia), gizonezkoen 600 kiloko eta emakumeen 500 kiloko lehen jardunaldiak jokatu zituzten. Gizonezkoetan Beti Gaztek tiraldi guztiak irabazi zituzten eta emakumeetan, lehen postuan berdindu egin zuten Beti Gaztek eta Ibarrak. Amaiur hirugarren izan zen.
Gizonezkoen 600 kiloko kategorian, Beti Gaztek nagusitasunez irabazi zituen tiraldi guztiak eta 640 kilokoan bezala, lapurtarrak izan zituen gibeletik. Zuraide A bigarren izan zen, Ñapurrak hirugarren, Abadiño (Bizkaia) laugarren, Amaiur bosgarren, Berriozar seigarren, Ibarra (Gipuzkoa) zazpigarren, Zuraide B zortzigarren, Txantrea bederatzigarren eta Murueta (Bizkaia) hamargarren.
Emakumeen 500 kiloko kategorian zazpi talde lehiatuko ziren eta berdintasun gehiago izan zen. Horren erakusgarri, lehen postuan berdindu egin zutela Beti Gaztek eta Ibarrak: elkarren artean tiraldi bana irabazi zuten eta gainerako guztiak irabazi. Amaiur hirugarren izan zen, bi lehenbizikoen kontra galdu eta bertze tiraldiak irabazita. Laugarren postuan berdindu egin zuten Txantreak eta Abadiñok. Badaiotz (Araba) seigarren izan zen eta Berriozar zazpigarren.
Igandeko jardunaldiaren ondotik, kategoria hauetako bigarren jardunaldia urtarrilaren 13an jokatuko dute Oiartzunen. Gizonezkoen finala urtarrilaren 20an jokatuko dute Gernikan eta emakumeena hilaren 27an Pobesen).
Aitzinetik, igande honetan, urtarrilaren 14an, txapelketa mistoko lehen jardunaldia jokatuko dute Lesakan.