TTIPI-TTAPAren lurraldeak Nafarroako eta Lapurdiko aldeetan dituen 27 udalerrien biztanleriak, oro har, bilakaera positiboa izan du 2022tik 2023ra. Zehazki, 649 bizilagun gehiago (+% 1,69) daude erroldatuak azkeneko datu ofizialen arabera, hau da, udalerri guztiak elkarrekin kontatuz gero:
- 2022ko ilbeltzaren 1ean 38.355 biztanle.
- 2023ko ilbeltzaren 1ean 39.004 biztanle.
Herrialdeka:
- 2022an Nafarroako eremuan 28.548 biztanle.
- 2023an Nafarroako eremuan 28.683 biztanle (+% 0,47).
- 2022an Lapurdiko eremuan 9.807 biztanle.
- 2023an Lapurdiko eremuan 10.321 biztanle (+% 5,24).
Zein dira gehien goratu diren udalerriak
2022tik 2023ra hamasei udalerritan emendatu da biztanleriaren kopurua. Hauek dira:
- Zugarramurdi (+% 14,36),
- Urdazubi (+% 9,70),
- Oiz (+% 7,26),
- Senpere (+% 6,43),
- Bertizarana (+% 6,01),
- Eratsun (+% 3,33),
- Saldias (+% 3,33),
- Ituren (+% 3,30),
- Arantza (+% 3,05),
- Ezkurra (+% 2,90),
- Beintza-Labaien (+% 2,35),
- Sara (+% 2,11),
- Goizueta (+% 2,02),
- Doneztebe (+% 1,92),
- Bera (+% 0,56)
- Etxalar (+% 0,36).
Pixka bat behera egin dutenak
Beheranzko joera izan dute hamar udalerrik eta Urrozek kopuruari eutsi dio. Hauek dira:
- Elgorriaga (-% 4,65),
- Donamaria (-% 2,15),
- Igantzi (- % 1,89),
- Zubieta (- % 1,35),
- Areso (- % 1,11),
- Arano (- % 0,90),
- Lesaka (+% 0,76)
- Sunbilla (- % 0,74),
- Leitza (- % 0,43),
- Baztan (-% 0,25),
- Urroz (% 0,00),
Eskualdeka
Azkeneko aldian erroldatutako biztanleen kopuruak pixka bat beheiti egin du Leitzaldean (- % 0,48) eta Baztanen (- % 0,25), baina gainerako eremu guztietan goiti egin du. Goranzko joerarik handiena Bertizaranan (+ % 6,01) eta Sara, Senpere, Urdazubi eta Zugarramurdiko eremuetan (+ % 5,56) izan dute, eta gutiago bada ere, goiti egin dute Urumealdean (+ % 1,61), Malerrekan (+ % 1,02) eta Bortzerrietan ere (+ % 0,12).