Tokikom-eko plataforma erabiltzen dugun webgune guztietan erabilgarri
Elhuyarrekin batera, TokiHoTTS izeneko adimen artifizialeko sistema bat garatu du Tokikom-ek, webguneko pantailan agertzen den testua ozen irakurtzeko gauza dena, ahots sintetiko baten bidez. Ahots hori entrenatzeko Tokikom-eko hainbat hedabideetako kazetarien ahotsak erabili dira.
TTS barra artikuluen gainaldean
Tituluaren gainean ikusiko duzuen barra horrek aukera ematen du TTS (text-to-speech) teknologia bidez sortutako ahotsak erabilita artikuluan dauden testuak irakurtzeko. Ahots sintetikoak algoritmo neuronalak erabiltzen ditu gizakiaren ahotsa diruditen kalitate oneko hotsak sortzeko.
Abantailak eta aukerak
Garapen honek hainbat aukerari eta abantailari ateak irekitzen dizkio: podcast-ak sartzeko aukera konparaziora, ezgaitasun bat dutenei gauzak errazten dizkie edo, bertzerik gabe, artikulu bat begiratu eta irakurri ezin denean, botoiari eman eta gure kazetariek idatzitakoa patxadan entzuteko modua izanen dugu.