Euskal Herriko sokatira txapelketako hirugarren jardunaldia abenduaren 16an, larunbatean 17:00etan hasiko da Busturian (Bizkaia). Hain zuzen, gizonezkoen 640 kiloko eta emakumezkoen 540 kiloko bigarren jardunaldia jokatu dute eta bietan Beti Gazte eta Amaiurko tiralariak ariko dira.
Kategoria hauetako lehen jardunaldia abenduaren 3an jokatu zuten Elizondon eta bertan Beti Gazteko gizonezkoak nahiz emakumezkoak nagusitu ziren, tiraldi guztiak irabaziz eta txapela janzteko faborito direla erakutsiz.
Emakumeen kategorian, Beti Gazteren gibeletik, Ibarra, Amaiur, Abadiño, eta Badaiotz sailkatu ziren Elizondon. Gizonezkoetan, berriz, lesakarren gibeletik Zuraide A, Abadiño, Ñapurrak, Amaiur, Ibarra, Zuraide B eta Murueta sailkatu ziren.
Kategoria hauetako hirugarren jardunaldia eta finalak abenduaren 23an jokatuko dituzte Donezteben.
Ondotik, 2024ko ilbeltzean jokatuko dituzte bertze kategorietako txapelak. Tartean, txapelketa mistoko lehen jardunaldia urtarrilaren 14an jokatuko dute Lesakan. Euskal Herriko lanak bukatuta, otsailaren 8tik 11ra Suediako Helsinborg hirian jokatuko den munduko txapelketan ere parte hartzekotan dira Beti Gazteko tiralariak.