Abenduaren 8an eta 9an jokatu dituzte Agoitzen eta Donezteben Eguberrietako buruz buruko erremonte txapelketa-Martiko 2023 Sari Nagusia jokatzeko eskubidea ematen zuten hiruko partidak. Jaialdi bakoitzean hiru erremontista aritu ziren eta horietako bakoitzeko irabazleak lortu du txartela: Otanok Agoitzen eta Eloy Otxandorenak Donezteben. Txapelketa abenduaren 12an aurkeztuko dute Beran, Martikoren egoitzan.
Agoitzen jokatutako hiruko partidan Otanok bere bi arerioak erraz menperatu zituen: 20-11 irabazi zion Iruritako Jon Sagasetari eta 20-10 irabazi zion Barricarti. Barricart eta Sagasetaren arteko lehian Agoizkoak 20-11 irabazi zion iruritarrari.
Doneztebeko jaialdian, berriz, Eloy Otxandorena doneztebarrak 20-17 irabazi ziom David Mitxeo herritarrari eta emaitza berbera errepikatu zuen Aimar Saldias oiztarraren kontra. Hirugarren partidan ere, 20-17 irabazi dio Mitxeok Saldiasi.
Eguberrietako buruz buruko erremonte profesionaleko txapelketa-Martiko Sari Nagusia 2023 abenduaren 12an, asteartean aurkeztuko dute Beran, Martikoren egoitzan eta Otano eta Otxandorenarekin batera txapelketa jokatuko duten erremontistak, datak eta pilotalekuak ezagutzera emanen dituzte.