Errigorak banatu dituen 14.000 saskiei esker 185.000 euroko ekarpena egin zaio Nafarroa erdi eta hegoaldeko euskalgintzari

Ttipi-Ttapa 2023ko aza. 22a, 20:00
Deskargatu Info Ahotsak :
Español English Français Català Galego

Aurten 10 urte bete ditu Errigora egitasmoek eta arduradunek aukera baliatu dute zorionak eman eta esker on keinuak elkarbanatzeko.  «'Nafar hegoaldeko uzta, euskarari puzka' kanpaina bete-betea izan da, eta zorionak eta eskerrak eman nahi dizkiegu Errigoraren parte garen/zareten/diren orori!».

14.000 saski baino gehiago salduak eta 185.000 euroko ekarpena Nafarroa erdi eta hegoaldeko euskalgintzarendako

Urriaren 20an abiatu zuten Errigoraren Nafar hegoaldeko uzta euskarari puzka kanpainaren 10. edizioa eta azaroaren 9an bukatu zen. Berriki jakitera eman dituzten datuen arabera, aurten Nafarroa hegoaldeko produktuz osatutako «14.000 saski baino gehiago» banatu dituzte bertze hainbertze etxetara. Eta urtero bezala, aurten ere saski bakoitzak zuen balioaren % 25a Nafarroaren erdi eta hegoaldeko euskalgintzarako bideratu dute, 185.000 euro inguru osotara.

 
Agerraldia: nortzuk dira onuradunak

Errigorak egiten duen kanpainari esker, Ager eremuko euskalgintza bultzatzen da: Aek; Tutera, Lodosa eta Vianako ikastolak eta baita ikastetxe publikoetako D ereduko lerroak ere, bertzeak bertze.

Ikusi hemen Agerraldiari buruzko xehetasun gehiago.

Euskara

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun

Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!