Larunbatean, azaroaren 11n, jokatuko dute Agoizko Kultur Etxean Nafarroako Bertsolari Txapelketako bigarren finalaurrekoa. Bertan sei bertsolari hauek ariko dira kantari: Julio Soto Ezkurdia, Xabat Ilarregi Marzol, Idoia Granizo Uribarrena, Ekain Alegre Gil, Julen Zelaieta Iriarte eta Urko Gartzia Aleman. Gaiak jartzen Maialen Belarra Eneterreaga doneztebarra ariko da.
Saioa 17:30ean hasiko da eta sarrera gutxi batzuk gelditzen dira oraindik salgai. www.bertsosarrerak.eus atarian erosi daitezke.
Saioko irabazleak zuzenean lortuko du abenduaren 2an Iruñean jokatuko den finalerako txartela, eta gainerakoek finalaurreko denak bukatu arte itxoin beharko dute puntuazioaren arabera sailkatzen diren edo ez jakiteko. Altsasuko saioa irabazita, oraingoz Saioa Alkaiza Guallar da finalerako sailkatu den bertsolari bakarra.
Azken finalaurrekoa, aldiz, Lesakan frontoian jokatuko dute abenduaren 19an 17:30ean. Saio horretarako bi sarreren zozketa antolatu du TTIPI-TTAPAk Ttipi txartela dutenen artean.