Nola egiten da saskien eskaera
Errigora.eus webgunearen goiko aldean nahi adina saski gehitu ondotik, eskaera prozesua hasiko duzu. Eskaera bideratu ahal izateko, norberaren datuak (izen-abizenak, herria, telefono zenbakia eta posta elektronikoa) sartu beharko dituzu segidan lehen aldia baduzu (lehendik ere inoiz webgune honen bidez eskaerarik egin baduzu e-Posta sartuta nahikoa izanen da).
Eskaera egitean saskiak biltzeko gune bat aukeratu behar da. Ehunka banaketa-gune daude aukeran, 200 herri baino gehiagotan banatuta. Gune bakoitzak saskiak biltzeko egun eta ordutegi zehatzak ditu, eskaera egiterakoan jasotzen den mezuan zehazten da.
Ordainketa egiteko bi aukera daude: alde batetik online, kreditu txartela edo Bizum bidez ordainketa aurretik egina uzten ahal da, baina, nahiago bada, saskiak biltzean eskudirutan ordaintzea ere posible da. Hori bai, diru kopuru zehatza eramatea gomendatzen dute, badaezpada.
Ordainketa metodoa aukeratu ondotik, eskaera erregistratuta geldituko da eta e-Posta bat bidaltzen dute egindako eskaeraren berri emanez eta eskaeraren bila noiz eta nora joan behar duzun gogoraraziz.