Villabonako Iñaki Lizaso, Anoetako Aratz Luixa, Jon Apeztegia doneztebarra eta David Albiasu narbatearra ariko dira lehen multzoan. Txapelketako antolatzaileen arabera, Lizaso, Luixa eta Apeztegia izanen dira hurrengo fasera pasatzeko faboritoak.
Bigarren multzoan, berriz, Eiherelarreko Jerome Karrikaburu egungo txapelduna, Donibane Lohizuneko Peio Etxeleku eta David Mitxeo eta Imanol de Rueda Doneztebeko pilotariak ariko dira. Multzo horretan Karrikaburu jotzen dute faborito nagusitzat, eta lehia estua egonen da bertze hiruen artean finalerdietarako bigarren txartela lortzeko.
Multzo bakoitzetik bi pilotari pasako dira finalerdietara, eta finalerdietako garaileek jokatuko dute finala.
Lehenbiziko jardunaldia igande arratsaldean
Azaroaren 5ean, igandean 15:00etan: Apeztegia, Lizasoren kontra. Segidan, Karrikaburu, Etxelekuren kontra eta akitzeko De Rueda, Mitxeoren kontra. Albiasu eta Luixaren arteko partida gibeleratu egin dute.