Baztan eta Malerrekako sei hirukotek eman dute izena Laxoa Elkarteak antolatutako Nafarroako paxaka txapelketaren 24. edizioan. Lehen jardunaldia igande honetan jokatuko dute Iruritako Aranabia pilotalekuan. Ligaxkako lau lehenbizikoak abenduaren 10ean jokatuko diren finalerdietarako sailkatuko dira eta finala eta hirugarren posturako partida abenduaren 17an jokatuko dituzte.
Lehenbiziko jardunaldia igandean
Lehenbiziko jardunaldia azaroaren 5ean, igandean jokatuko dute:
- Igandean 16:30ean, Oskar Urrutia (Irurita), Xabier Barberena (Elizondo) eta Joxe Itoiz (Erratzu); Manu Irigoien (Erratzu), Egoitz Prim (Irurita) eta Kaiet Itoizen (Erratzu) kontra.
- Igandean 17:30ean, Gorka Urtasun (Irurita), Mikel Sagaseta (Irurita) eta Juan Mari Maia (Elizondo); Jon Apeztegia (Doneztebe), Mikel Telletxea (Doneztebe) eta Ugutz Zelaietaren (Oiz) kontra.
- Igandean 18:30ean, Ioritz Zelaieta, Iker Bereau eta Laurendi Zelaieta (Oiz); Jabi Apeztegia, Iban Juanena eta Daniel Pio Garciaren (Doneztebe) kontra.