Beti Gazteko zortzikote txapeldunean Ander Mitxelena, Karmele Pikabea, Irantzu Goienetxe, Beñat Ordoki, Unai Gurrutxaga, Maddalen Lopez, Iñigo Alzugarai eta Maria Iantzi aritu ziren tiran finalean, Joxe Angel Mitxelena laguntzaile zutela.
Beti Gazteren ondotik, Berriozar eta Amaiur A igo ziren podiumera. Aipatzekoa da Amaiurrek bi zortzikote paratu dituela goma gainean txapelketa mistoan eta hirugarren eta bosgarren postua lortu dute. Txantrea laugarren izan da eta Antsoain seigarren.
Orain, gizonezkoak zortzinaka eta emakumeak seinaka, Elizondon eta Beran
Txapelketa mistoa erabaki ondotik, gizonezkoen eta emakumezkoen txapelketetako lehen jardunaldia urriaren 29an jokatuko dute Elizondon eta azaroaren 5ean banatuko dituzte kategoria hauetako txapelak, Beran. Gizonezkoetan zortzinaka ariko dira 620 kiloko kategorian eta eskualdeko bi taldeekin batera, Antsoain, Berriozar eta Txantrea lehiatuko dira eta emakumezkoetan sei talde ariko dira seinaka, 385 kiloko kategorian: Amaiur, Antsoain, Araxes, Berriozar, Beti Gazte eta Txantrea.