Leitzan jokatu zen atzo 2023ko Nafarroako Bertsolari Txapelketako laugarren eta azken final-laurdena. Ander Aranburuk aurkeztuta, sei bertsolari aritu ziren kantuan, zozketak erabakitako ordenean: Saats Karasatorre Martinez, Endika Legarra Nuin, Josu Sanjurjo Alzuri, Eneko Lazkoz Martinez, Bittori Elizalde Soto eta Fernando Ziganda Urdanpilleta. 200 entzule inguru elkartu ziren Leitzako Herri Aretoan, Nafarroako Bertsozale Elkarteak Leitzako Udalaren laguntzarekin antolatutako saioa zuzenean entzuteko.
Saioko ariketa puntuagarriak behin eginda, Eneko Lazkozek eskuratu zuen epaileen puntu gehien (354,5), eta hortaz, saioa irabazi eta Lesakako finalaurrekorako txartela eskuratu du. Haren atzetik sailkatu dira Josu Sanjurjo (325,5), Saats Karasatorre (323,5), Endika Legarra (291,5), Bittori Elizalde (286) eta Fernando Ziganda (278). Zehazki, horrela gelditu da saioaren puntuazioa:
- Eneko Lazkoz Martinez: 354,5
- Josu Sanjurjo Alzuri: 325,5
- Saats Karasatorre Martinez 323,5
- Endika Legarra Nuin 291,5
- Bittori Elizalde Soto: 286
- Fernando Ziganda Urdanpilleta: 278
Finalaurrekoak osatuta
Atzoko saioak bazuen beste interes bat ere, faseko azkena izaki, atzo argitu baitzen finalaurrekoetan ariko diren 18 bertsolarien zerrenda. Lau final-laurdenetako irabazleei puntuazioaren araberako hurrengoa 14 bertsolariak gehitu zaizkie. Zehazki, hauek dira finalaurrekoetara sailkatutako bertsolariak:
- Sarai Robles Vitas
- Julio Soto Ezkurdia
- Joanes Illarregi Marzol
- Eneko Lazkoz Martinez
- Xabat Illarregi Marzol
- Ekhiñe Zapiain Arlegi
- Saioa Alkaiza Guallar
- Idoia Granizo Ulibarrena
- Josu Sanjurjo Alzuri
- Eki Mateorena Zozaia
- Ekain Alegre Gil
- Saats Karasatorre Martinez
- Eneko Fernandez Maritxalar
- Julen Zelaieta Iriarte
- Mikel Lasarte Cia
- Beñat Astiz Isasi
- Urko Gartzia Aleman
- Patxi Castillo Graciarena
Gauzak horrela, osatu dira finalaurrekoetako hiru saioak, seina bertsolarirekin. Azaroaren 4an Altsasun, azaroaren 11n Agoitzen eta azaroaren 19an Lesakan jokatuko dira hiru saio horiek. Horietatik denetik, zortzi bertsolari sailkatuko dira abenduaren 2ko Iruñeko finalera. Saio guztietarako sarrerak salgai daude dagoeneko www.bertsosarrerak.eus atarian.
