Tolosako Alpino Uzturre taldearekin konpetitzen hasi berri den Ane Elzaurdiak 2 ordu, 25 minutu eta 43 segundo behar izan zituen ibilbidea osatzeko. Laiane Arrospide bigarren izan zen (2.26.22) eta Olatz Azazeta hirugarren (2.30.07).
Gizonezkoen artean Ander Amonarriz izan zen bizkorrena (1.54.49), eta beterano mailan garaile izan zen Gure Txokoako Joseba Lasarte beratarra. Hamalaugarren izan zen sailkapen orokorrean Lasarte (2.12.48). 180 korrikalari atera ziren 23 kilometroko lasterketan.
43 kilometroko lasterketan, berriz, 91 korrikalari atera ziren eta Iñaki Olano (3.59.41) eta Ainhoa Egiguren (5.49.53) suertatu dira garaile. Arantzako Julen Oskozek ere parte hartu du.
13 kilometroko lasterketan, azkenik, 169 korrikalari atera dira eta Ioar Tabar (1.03.09) eta Ainhoa Arruti (1.21.58) suertatu dira garaile. Beti Gazteko Mikel Arriola lesakarra hamaikagarren izan da (1.11.12). Berako Idoia Martinez, Leitzako Aurrerako Asier Barriola, Juan Mari Barriola eta Xabier Portu korrikalariek ere parte hartu dute.