11:00etan ailegatuko dira herriz herri abiatutako autobusak eta 12:00etan meza izanen dute hildako bazkideen oroimenez. Ondotik, omenaldia eginen diete urrezko eta diamantezko ezteiak eta 85 urte betetzen dituzten bazkideei.
Omenaldien ordua bukatuta, 14:00etan bazkaria izanen dute. Menu hau izanen dute: barazki krema, usakume basatia Ultzamako onddo eta almendrekin, bakailaoa tenperatura baxuan piper erreekin eta pil-pilarekin eta bildots errea Tuterako kukulu eta parmentierrarekin. Postretarako albertxiko gazta tarta izanen dute, Milagroko gerezi eta limoizko izozkiarekin.
Otorduaren ondotik, 17:00etan hasi eta 19:45ak arte dantzaldia izanen dute Joxe Angelekin, eta hori bukatutakoan aterako dira bueltarako autobusak.