Bi kanaerdiko, bi 60 ontzako eta oinbiko enborra mozteko 13 minutu eta 28 segundo behar izan zituen Otsagabiko Iker Vicentek, gaur egungo txapeldunak. Minutu eta 18 segundoko aldea atera zion bigarren izan zen Ibai Soroari. Ia batera, 31 zentesimako aldearekin bukatu zituzten lanak Jon Rekondo leitzarrak (16.13) eta Joxean Etxeberriak (16.14). Azaroaren 17an Donezteben jokatuko den finalerako boskotea Arribeko Txomin Amundarainek osatu zuen (16.46). Finaletik kanpo gelditu zen Arostegiko Oier Kañamares (17.05) eta azken bi sailkatuak izan ziren Errazkingo Eneko Saralegi (17.35) eta Arostegiko Xuban Kañamares. Berez, azken biei maila galtzea dagokie, baina Lekunberrin parte hartzerik izan ez zuten Julen Olanoren eta Patxi Mindegiaren kontrako kanporaketa jokatzeko eskubidea dute.
Aipatu bezala, finala azaroaren 17an, 18:00etan jokatuko dute Doneztebeko Ezkurra pilotalekuan. Kanporaketaren lan bikoitza izanen dute orduan.